ഇടിവിൻ്റെ ട്രെൻഡ് അവസാനിപ്പിച്ച് സ്വർണവിലയിൽ നേരിയ വർധനവ്. സംസ്ഥാനത്ത് 22 കാരറ്റ് ഒരു ഗ്രാം സ്വർണത്തിന്റെ വില 10 രൂപ കൂടി 13,130 രൂപയിലെത്തി. ഒരു പവന് 80 രൂപ വർധിച്ച് 1,05,040 രൂപയിലെത്തി. 24 കാരറ്റ് സ്വർണത്തിനും വില വർധിച്ചു. ഒരു ഗ്രാം സ്വർണത്തിന് 11 രൂപ വർധിച്ച് 14,324 രൂപയിലെത്തി. ഒരു പവൻ സ്വർണത്തിന് 88 രൂപ വർധിച്ച് 1,14,592 രൂപയായി.
തുടർച്ചയായി സ്വർണവില ഇടിഞ്ഞുകൊണ്ടിരിക്കെയാണ് വില വീണ്ടും വർധിക്കുന്നത്. കഴിഞ്ഞ കുറച്ചു ദിവസങ്ങളായി സ്വർണ വില ഏറിയും കുറഞ്ഞും തന്നെ തുടരുന്നത് ആഭരണ പ്രേമികളിലും സ്വർണം വാങ്ങണോയെന്നത് സംബന്ധിച്ച് കനത്ത ആശയക്കുഴപ്പമാണ് ഉണ്ടാക്കിയിരുന്നത്. ജൂൺ മാസത്തിലെ തുടക്കത്തിൽ രേഖപ്പെടുത്തിയ വിലയുമായി താരതമ്യം ചെയ്യുമ്പോൾ വലിയ ആശ്വാസമായിരുന്നു കഴിഞ്ഞ ദിവസത്തെ നിരക്കുകൾ.
ജൂൺ ഒന്നിന് പവൻ വില 114,560 രൂപയായിരുന്നു. നിർമ്മാണ കൂലി ഉൾപ്പെടെയുള്ള മറ്റ് ചെലവുകൾ ചേർക്കുമ്പോൾ ഒരു പവൻ ആഭരണം വാങ്ങാൻ 1.11 ലക്ഷം രൂപയോളം വേണ്ടി വരും. ആഗോള വിപണിയിലെ ശക്തമായ ചലനങ്ങളാണ് ആഭ്യന്തര വിപണിയിലും പ്രതിഫലിക്കുന്നത്. രാജ്യാന്തര വിലയുടെ ചുവടുപിടിച്ചാണ് കേരളത്തിലും വില മാറിമറിയുന്നത്.
ഒന്നാം തിയതി രേഖപ്പെടുത്തിയ 1,03,240 രൂപയാണ് ഈ മാസത്തെ കുറഞ്ഞ നിരക്ക്.പണപ്പെരുപ്പം രൂക്ഷമാകുന്ന സാഹചര്യത്തിൽ സുരക്ഷിത നിക്ഷേപമായാണ് പലരും സ്വർണത്തെ കാണുന്നത്. മറ്റ് ബാങ്ക് നിക്ഷേപങ്ങളെ അപേക്ഷിച്ച് മികച്ച ലാഭം നൽകാൻ സ്വർണത്തിന് കഴിയും എന്ന പ്രതീക്ഷയിലാണ് നിക്ഷേപകർ കൂട്ടത്തോടെ സ്വർണത്തിലേക്ക് മാറുന്നത്. കേരളത്തിൽ ഇപ്പോൾ വിവാഹ സീസൺ സജീവമാകുകയാണ്. ഈ സാഹചര്യത്തിൽ സ്വർണവിലയിലുണ്ടാകുന്ന ഓരോ ചലനങ്ങളും സൂക്ഷ്മമായി നിരീക്ഷിക്കുയാണ് ഉപഭോക്താക്കൾ.
Content Highlights: Gold prices in Kerala have recorded a slight increase after ending a declining trend. The price of 22-carat gold rose by Rs 10 per gram to Rs 13,130, while the price per sovereign increased by Rs 80 to Rs 1,05,040. Prices of 24-carat gold also moved higher.